"ፓዝ ቱ ሳክሰስ" ንመጀመርታ ጊዜ ብቋንቋ ትግርኛን ሓይሊ ኢንተርኔት ብምጥቃምን - ኣብ ኩሉ ኩርናዓት ዓለም ንዘለው ግዱሳት ደለይቲ ዓወትን ለውጥን ዘቶኮረ ስልጠና እዩ

ኣነ ናይ ባዕለይ መንገዲ ዓወት ቅድሚ ምጅማረይ ዝነበረ ህይወተይ ዝበዝሕ ግዜ ክልተ ስጉምቲ ንቕድሚት ሓደ ስጉምቲ ንድሕሪት ዘለዎ ጉዕዞ እዩ ነይሩ። ምዕባለ ህይወተይ ሓንሳብ ጽቡቕ ሓንሳብ ዝሕቱል ፥ ገለ ዓመታት እኸስበን ገለ እኸስረን ፥ ካብ ክበጽሖ ዝኽእል ንታሕቲ እነብር ነይረ ።

ርግጸኛ ዝነበርኩሉ ግና ሓደ ነገር ነይሩ። መጻኢ 10 ዓመታት ናይ ህይወተይ ፡ ከምተን ዘሕለፍክወን 10 ዓመታት ክኾና ከምዘይደሊ!

ቅድሚ 4 ዓመታት ነዚ ናይ ዓወት ፎርሙላ ዘላለየኒ ኣጋጣሚታት ምስ ተፈጥረ፡ ኣብ ህይወተይ ኩሉ ነገር ተቐይሩ።

ሽዑ መትከላት ፓዝ ቱ ሳክሰስ ኣብ ናይ ውልቃዊን ሞያዊን ህይወተይ ምስ ኣተግበርኩ ፡ ካብ ሓፋርን ቁጥብቲን ናብ ግልጺን ተባዕን፡ ካብ ተቆጺራ ትሰርሕ ዘነበረት ናብ ብርእሳ ትሰርሕ:  ካብ ኣብ እኩብ ሰብ ምዝራብ እትፈርህ ናብ ኣብ ፌስቡክ 25 ሽሕ ተኸተልቲ ዘለውዋ ደራኺት ክኸውን በቒዐ። ልዕሊ ዝኾነ ግዜ ድማ ህይወተይ ኣሓጒሱኒ። ውልቃዊ ዕላማይ ውን ነጺሩለይ።

ብምኽንያት ቢዝነስ ብዝሒ ሰባት ክረክብ ምስ ጀመርኩ ከኣ ፥ ከምቲ ኣነ ዝነበርክዎ፡ ተስፋታቶም ከይፍጽሙ ኣንፈት ዝጠፍኦም፥ ብዙሓት ሰባት ከምዘለዉ ተረዲአ።

ስለዚ ድማ ፓዝ ቱ ሳክሰስ ንኽምስርት ተለዓዒለ

ክሳብ ሕጂ ፡ ንውልቀ ሰባት ብውልቂ ኣብ ምስልጣን ክሰርሕ ጸኒሐ፥

ውልቀ ሰባት ዕላማኦም ንኸለልዮ፡ መሰናኽል ንኽሰግሩ ፡ ኣብ ውልቅን ሞያውን ህይወቶም ንኽስጉሙን ምስልጣን(coaching) ዘዕገበኒ ስራሕ እኳ እንተኾነ ፡ ካብ ብዙሓት ሰባት “ብኸመይ እየ ናይ ዓወት መትከላት ኣብ መዓልታዊ ህይወተይ ከተግብሮም ዝኽእል?” ዝብል ሕቶታት ምስ ወሓዘኒ ፓዝ ቱ ሳክሰስ ተመስሪታ።